SOLO : TALITONUGA ESEESE I AFUAGA O LE GAGANA SAMOA
TALITONUGA ESEESE I LE AFUAGA O LE GAGANA SAMOA Tusia e le Vasega Sam 111.5
Talitonuga a Samoa mai anamua
Mai le Pasefika, o Manu’a na muamua
I le Solo o le Va o le foafoaga
O Tagaloaalagi na to maia le gagana
Le ‘au liguisi na faasino maia Ausetalenisia
Le aiga gagana e iai Filipaina, Taiuani ma Initonesia
I le gagana Maoli, Toga ma Meleisia ia manatua
O le faaliliuina o le lua o le rua, ua ma le dua
I le suesuega o tala’eli a le ‘au ‘akiolo
E pau mai Melenisia ipu ‘ele a tua’a popoto
E o’o i le tatau, le isi measina a le atunuu
E mamanu tutusa ma ipu ‘ele Lapita i talatu’u
O le talitonuga faaKonitiki e faapea
A tuuvaa mai Amerika i saute ma faatafea
E momoli sa’o e au o le sami lou sa i le Pasefika
E aunoa ma ni metotia faamatematika
Na faia e le Atua le lagi, lalolagi ma le tagata
O le Atua lava lea o Isaraelu mai le amataga
Na ia fa’a’ese’eseina gagana i le ‘olo na fausia
O lo o maua mai ai gagana a le lalolagi ma le Polenisia
Na amata ona tusitusia le gagana Samoa
Ina ua afea lo tatou atunuu e vaalotu o ni toa
O misionare auvasa mamao mai Lonetona
E tala’i le talalelei a Iesu e leai se pona
O la latou meaalofa o le Pi Faitau
Sa faaigoa fo’i i le Pi Nofoa ma le Pi Tautau
Ua avea nei ma malamalama tumau
I fanau ma tupulaga e o’o i le faavavau
O talitonuga eseese na e lagolagoina malaga mai Sisifo
Tasi mai Amerika i Saute, tasi o Tagaloa na ia tuu ifo
Le gagana Samoa o lo o ta mitamita ai
Afai e te le ‘au i ai, alofa faamagalo mai
*********************************
|
M Fiamalua Faleula Conference Summer 2007.doc Size : 0.13 Kb Type : doc |
|
Talaaga 10 97-2003.pdf Size : 0.097 Kb Type : pdf |
|
|
Comprehension 8 Tala mai Samoa -Lafai.doc Size : 0.033 Kb Type : doc |
|
|
repetition rubricFINAL.doc Size : 0.042 Kb Type : doc |
|
|
RUBRIC GROUP PPRESENTATION.doc Size : 0.039 Kb Type : doc |
