O le faamoemoe o lenei itulau o le uunaia lea o tagata aooga e tofu ma'a mai i mataupu e laga i aso ma vaiaso taitasi. E moni lava le upu a le fa'aaoga e i'u ina mou le gagana. Ua logotala lenei itulagi i taumafaiga a Niu Sila ma Ausetalia e uunaia le Gagana Samoa talu ai le faaitiitia o tupulaga ma fanau laiti e tautatala ai. Fai mai le isi sikola ua le maua e le fanau le gagana i le fale ona ua tele ina faigaluega matua ma tagata matutua ae toe o le aoga o lo o faalagolago i ai.
O le mea lea, alo maia e togi sau ma'a, fa'aaoga mai lau gagana e molimoli mai ai lagona o le fiafia, lagona faagaeetia, lagona meemee, faavauvau ma lagona i le oso mai o le la ma lona goto ifo, le totogo mai o la'au ma le fai ifo o le lau o la'au i le vaitau o le to'ulu o laumea.
Manuia lou alofaiva!
Tamari
Posted by Tamarimulitalo
*************
