BINGO

O lou manatu iai e sao lelei, o nei onapo ua tele na alu vale ia tupe ae leai lava sona aoga. O le tele o taimi e tiga le le lava o le faasoa ae tele ina alu uma ai tupe ile "bingo". O lou tina o se tagata e matuaí bingo lana ia olaga ae talu lava le vaai mai i le soifuaga ua tatou iai, o le mea lea ua tau le alu ai i le bingo. O au o se tagata e fiafia tele e bingo aua e tele lava na ou laki i le tele o aso lea ou te alu ai e taalo.O le bingo e lelei i isi taimi ma e leaga foi i isi taimi. O lau fautuaga e lelei lava lou alu i le bingo pe afai o lae lava le faasoa, ae aua le faamaimaua le taimi pe afai o lae leai se meaai o le aiga. Salevu

E sa’o lelei le manatu i le mataupu lea e fa’atatau I le ta’aloga lea o le bingo.O lenei ta’aloga ua tele ona alu ai tupe a tagata ma mafua mai ai le aitalafu tupe.Ua tele ai fo’i ma fa’alavelave e ono tutupu mai ai; e pei o misaga, fa’amalepe aiga, mativa, ma le faitatala fa’apea ma isi ituaiga fa’alavelave.O le tele fo’i o tupulaga I taimi nei ua fai le bingo ma auala e o ai e tafafao ai. Ae a bingo, bingo fuafua ma aua le soga bingo. Togilau

Ou te auai i lau manatu aua e sa'o lelei oe. Aua o le ta'aloga lea o le Bingo ua fai ma mea e fa'aalu ai tupe a matua ma tafao ai, 'ae tia'i le fanau i le fale. 'O le ala fo'i lea ua fai ai ma mea fiafia a tamaiti, a o latou matua i le Bingo ona latou o lea e tata'a ma fai ai isi mea 'e le tatau ona fai. Ona fo'i mai loa lea o matua i le fale ma le le fiafia aua ua le maua se laki, ona atili ai lea le oso i luga le toto maualuga o le lo'omatua po'o le toea'ina, ona fa'apea loa lea le tala "a le tioa ona le maua se Bingo aua e tata'a lenei fanau". Ona soona tafasi lea o tamaiti 'ae le mafaufau pe sa'o o latou mea o fai. Mo se fauutuaga mo outou le fanau, ia outou nonofo mataala, aua e le toe faigofie le olaga i le lenei vai taimi. Ua malosi le fa'aosoosoga a le ti'apolo ia te i tatou le fanau, ae aua aua lava ne'i vaivai le tatalo i le atua e fesoasoani mai ia te 'oe le tama ma le teine i lou olaga taumafai. Eucharas

O le ta’aloga lenei o le bingo o se ta’aloga lea ua tele na tosina I ai le toatele, ua le gata I tina ae faapea foi tama, e o’o lava I nisi o tupulaga ua fiafia I ai I le ta’aloga. O le taofi a le fai pepa o lenei ta’aloga ua tele na le maua ai se mafutaga  lelei a le tina ma le fanau I le tele o taimi [faataitaiga] afai o le tina le ua sauni e alu I le bingo ao le tama o lo’o ona o lona uiga ua leai se afiafi fa’aleaiga , ua leai fo’I se fautuga lelei  mo le fanau aua le alualu I luma o le amio, ina ia aloalo ese mai le leaga ma le saoasaoa o le olaga I nei  vaitau. Lani

O le bingo o le ta’aloga faitupe, ua  avea foi nei ta’aloga ma auala ua le iloa ai le isi tagata le va ma le isi tagata. Ua tele fo’I na fufusu ai pe taua’I misa ai foi le nisi o tina ona ua alu fua le isi tina nofo fua I le nofoaga masani a se tasi foi o tina, o le auala tonu lava lea e taofi ai pea le fai pepa o le bingo. O se ta’aloga  ua maimau ai tupe , le maua ai se mafutaga  mafana ma le aiga ae le gata I lea, tele ai tupe e alu, le lava ai le fa’asoa mo le fanau ae le gata I lea o mea fa’alelotu  ae maise o fa’alavelave foi tau I le aiga. O lea ua ou manatu ai o le Bingo o se ta’aloga lea e le lelei mo tagata. Donovan

O le bingo ose ta'aloga ua fiafia ai tele tagata matuatua ae faapea ai foi tupulaga i nei ona po. O le bingo ose ta'aloga e maimau ai tupe. Ae se'i fai atu sina'i o'u tala e fa'atatau i lo'u tina. O lea tina e fiafia lava o ia e ta'alo bingo. Sa iai se tasi o aso sa ou fesiligia ai lo'u tina pe aisea e fiafia ai e ta'aloga i lea ta'aloga ae fai mai lana tali ia te a'u, o le mafuaaga e fiafia ai o e bingo e fai lea ma to'omaga ai pe a tele le stress mai i ana galuega pe iai foi se mea ua mamafa i lona mafauafau. Ae Sa ou tali atu i

lo'u tina e le'o le tali na o la'u fa'afitauli. E na'o le maimau ai o tupe, tusa lava pe toe maua mai se isi fa'asiliga. O le bingo fo'i ua fai lea ma nofoaga e tafafao tamaitit aoga i le po ae ua le o e fai ni meaaoga. Leai se aoga ole bingo ia te a'u ma e sa ou ola mai i totonu o se talalelei e fa'asa ai ona e ta'aalo ini ta'aloga faitupe e iai le bingo ma isi lava ta'aloga ae filifiliga ole tagata e le fosia. Pepe

O le bingo o le isi lea taaloga mataia i totonu o le tatou atunuu. O lea taaloga e le gata e fiafia ai olomatutua ae faapea foi a fafine, toeaiina, ae maise tamaloloa. O le mafuaaga e alai ona taua ma aoga lenei taaloga, e maua ai e tagata a le tatou atunuu le mafutaga mafanafana ma le lotu fiafia. E mafai foi ona fai lea taaloga ma auala e fai ai suega tupe. E tele ma anoanoai ituaiga auala e aoga ma taua ai lea taaloga. Ao le mea e le aoga ai lea taaloga, e tele ona faamaumau ai tupe, aua e 50/50 le avanoa e maua ai sou lucky. E faamaimau ai foi le taimi, toe e fai lea taaloga ma auala e leai ai ni tupe a nisi o aiga. Ia o ni manatunatuga laiti na e faatatau i le tatou mataupu. Ruta

 

O le bingo o se taaloga e fa'aalu tupe ma e tele ona fiafia ai tagata. O a'u ou te au i le manatu i le tuafafine ia Elsie aua o le tele o taimi e taaalo le mafaufau ai isi tagata ae le iloa lae oi le latou aiga i le fia aai ma isi lava mea ta'ua. I totonu o le matou aiga e le taitai lava ona faaaoga sese o matou tupe, o le mea lea ou te faafetai ai i o'u matua mo le faasoasoaga lelei o tupe i mea aoga. E ui lava ina fiafia ai le to'atele ae o lo'o taaalo lava ma le oi. E sa'o lelei lava le tala a le tuafafine ia Elsie –Shalom

 

O le bingo ose ta'aloga ua fiafia ai tele tagata matuatua ae faapea ai foi  tupulaga i nei ona po. O le bingo ose ta'aloga e maimau ai tupe. Ae se'i  fai atu sina'i o'u tala e fa'atatau i lo'u tina. O lea tina e fiafia lava o ia e ta'alo bingo. Sa iai se tasi o aso sa ou fesiligia ai lo'u tina pe aisea  e fiafia ai e ta'aloga i lea ta'aloga ae fai mai lana tali ia te a'u, o le mafuaaga e fiafia ai o e bingo e fai lea ma to'omaga ai pe a tele le stress mai i ana  galuega pe iai foi se mea ua mamafa i lona mafauafau. Ae Sa ou tali atu i  lo'u tina e le'o le tali na o la'u fa'afitauli. E na'o le maimau ai o tupe, tusa lava  pe toe maua mai se isi fa'asiliga. O le bingo fo'i ua fai lea ma nofoaga e tafafao  tamaitit aoga i le po ae ua le o e fai ni meaaoga. Leai se aoga ole bingo ia te a'u ma e sa ou ola mai i totonu o se talalelei e fa'asa ai ona e ta'aalo ini ta'aloga  faitupe e iai le bingo ma isi lava ta'aloga ae filifiliga ole tagata e le fosia. Pepe  

 

O le bingo ose ta'aloga e fiafia ai tagata. O le bingo e maimau ai tupe toe le lava ai le fa'asoa. E toatele tagata e fiafia i lea ta'aloga ae ia au lava ia e maimau ai le taimi. O se ta'aloga e fa'aaluvale ai tupe ae ua le tauaia ai fanau aemaise mea fai a le aiga. O lea fo'i ta'aloga ua fai ma nofoaga e tafafao ai tupulaga i po ae le o e fai meaaoga. O le bingo foi e sao ai ma le sola ale isi e va'ai lana uo. Ia a'u lava ia e tatau ona tu'u ia nei mea o bingo e leai se aoga moi tatou aemaise ai le lumana'i o lo'o tatou tau sini o ai.Faifeau

 

Faatalofa atu le mamalu o le vasega male susuga le faiaoga,O lou igoa o Lie kaio Esera,o lou manatu

i le bingo ole isi lea taloga e fiafia le atunuu e fai,ae tele fo'i le vaega tupe a le aiga e toese i lea

taaloga .o i lea e tutupu mai ai femisa ai ma tutupu mai ai le feeseese ai o aiga, ma talanoa

fua le tasi le tasi na tutupu ai lea o nisi tulaga...ae o le talitonuga a le matou ekalesia le Assembly of god

e sa na matou taalo le tupe..aua o le upu o le tusi a matou faia lou finagalo na tatala ai lea o pupuni o le

lagi ae sasa'a manuia i au fanau...ose talatalanoa atu na e uiga i lea mataupu...Faafetai.. Kaio

 

Oute auai i lau manatu aua e sa'o lelei oe. Aua o le ta'aloga lea o le Bingo ua fai ma mea e fa'aalu ai tupe a matua ma tafao ai, 'ae tia'i le fanau i le fale. 'O le ala fo'i lea ua fai ai ma mea fiafia a tamaiti, a o latou matua i le Bingo ona latou o lea e tata'a ma fai ai isi mea 'e le tatau ona fai. Ona fo'i mai loa lea o matua i le fale ma le le fiafia aua ua le maua se laki, ona atili ai lea le oso i luga le toto maualuga o le lo'omatua po'o le toea'ina, ona fa'apea loa lea le tala "a le tioa ona le maua se Bingo aua e tata'a lenei fanau". Ona soona tafasi lea o tamaiti 'ae le mafaufau pe sa'o o latou mea o fai. Mo se fauutuaga mo outou le fanau, ia outou nonofo mataala, aua e le toe faigofie le olaga i le lenei vai taimi. Ua malosi le fa'aosoosoga a le ti'apolo ia te i tatou le fanau, ae aua aua lava ne'i vaivai le tatalo i le atua e fesoasoani mai ia te 'oe le tama ma le teine i lou olaga taumafai. Eucharas