FAIGA UO MOTUSIA

O le bingo e iai ona mafuaaga e lelei ai, e iai foi ona leaga. I lenei nei olaga le tumau, e ao ona tatou manatunatu iai, i le faigata ma le matuia o le soifuaga. ae le tuua ai le fiafia o tagata e o i le bingo.Muamua, o le bingo o se mea lea e o ai tatou tuaa e fiafia ai ma mapu ai foi, mai feauga o le aso sa feagai ai i latou,e lelei foi ia te au, e faafiafia ai foi i latou ma maua ai se mea e eva ai.O lou tina e le fiafia i se bingo,fai mai laga e faamaimau ai  tupe.Ia au, e sao foi ia i le isi itu.ai aga ave ia tupe e faatau ai se meaai a le aiga o lelei, ae leo o le faamaimau sese i le bingo.A'o le pogai foi o le kama,a le maua se bingo ua faapisapisa i le tama pe a oo i le fale, fasi fua le fanau o loo fiafia ma matamata le TV ona lava o le ita i le leai o se bingo,ao le fanau ua tomumu ma faapea, ia ai foi ua le maua se bingo.Ao le tama ua faapea mai, mea ga e maua i le bingo soo, gao le gau ai fua ma maimau ai tupe i ga mea le aoga,ae ai aga mai e faatau ai se meaai a le ta fanau o lelei.ia ae le mafai le tina i le ita.ia o le pogai la lea o le bingo, a le pisi,e le toe maua lona fiafia mai i le amataga.nao ni fautuaga e tuu atu pea i outou luma,aua e moni lava le upu a le atunuu.E pule lava sikafugi i le la o lona vaa.  Faafetai  Lilly Skelton

 

Afai e iai sou uo e sau ia te au ma talanoa mai ia te au e faatatau ini faafitauli i sana faiga uo, ae o le a pule i lana ola. E pau lava sou fautuaga e fai ai, e leo le mea na e finagalo ai le Atua. Ma o ia na foai ma le ola ma le malosi, o ia foi e toe aveeseina. Aua e le se tali na o se faafitauli. ma o loo tele lava tama/teine i lenei lalolagi, sao ai le tala a le toeaina Savai "e tele ia ole sami..." E iai se alaga upu faapalagi oute teulotoina lava pea tutupu ni faafitauli "Everything happens for a reason. ' Ona ou faamalosi iai ma fai ai e mafaufau i lana aiga ae maise siona tama ma siona tina. Ruta

 

 

O lo'u manatu i lea mataupu. E leai lava ma se isi e le o'o i lea tulaga mata'utia ma le tuga.

A'e o sina fautuaaga mo'i tatou tupulaga aua nei maimaua le ola na foai mai ele Tama Fa'alealagi

ia te oe ma a'u. E moni lava ua mafana le lua faiga uo ae tatau lava ona e nofo ma mafaufau toto'a

lava i le mataupu lea ua fa'afeagai ma oe. So'o se faiga uo lava e iai lava fa'afitauli e feagai ma'i laua.

E iai foi o laua vaivaiiga. E tele lava faiga uo ua ou va'ai ai e fa'auma loa e le teine le tama, po'o le tama fo'i ona o'o lea ise isi tulaga le tatau. E toatele latou  e o ma tipitipi lima se'i tulou. Fautuaga lava e tu'u atu i autafa aua ete faia lena tulaga matauti'a, a tu'u i se isi itu ua le alofa ia te oe. E iai le isi toeaina e lotu ia matou e fiafia lava o ia e fai le tala lea, o mea na o uo teine ma uo tama o mea na e ai e le matagi.

Aua loa le fa'auma atu loa ele teine po'o le tama ae alu fai se isi tulaga matui'a. Fai le isi fatu pese e tele i'a ole sami tele manu felelei ole lagi. O sina fautuaga lena mo'i tatou le tupulaga a fai ua iai se upu ua le talafeaga'i ma la'u fa'aloga famolemole fa'amagalo mai le auauna vaivai. Tofa soifua ma ia manauia le aso...Pepe

 

Talofa Tupulaga Talavou,

O Faiga uo e lē o se mea lelei mo lou olaga. Ua leiloa e Ta’ita’i o le Malō, ma outou Matua po’o le ā se isi tala o le a fai atu ia te outou. O a’u na ou laititi mai lava o a’oa’i lava a’u e o’u matua, o le faiga uo e lē o se mea lelei lea i lo’u olaga. Na ou fa’alogo lava iai ma ou talitonu iai. O le mea fo’i lea ua i’u manuia ai la’u High School. Ua ou ita lava i tala’aga ia ua o’o mai i olaga o isi tamaiti, talutalu ai o le mea o le fai uo. Tupulaga Talavou Fa’amolemole, se tu’u ia lena mea o le fai uo. Taumafai e fa’ama-‘ai lelei le mafaufau ona e alu lea e fai le mea ete mana’o iai. O la’u tausaga muamua lenei i le Kolisi Tu’ufa’atasi o Amerika Samoa, a’o lea ua ou iloa uma mea ia e tutupu i nei i le lotoā o le Kolisi. Na ou mauaina se teine ma se tama fai uo i tua o le Potu Fitu (Room 7) sa fai ai ni mea lē tatau. Ou te lē ilioa po’o ai, ma ou te le’i tautala lava iai. Sa mao la’u savali atu i tua e matamata i fale-aoga ma fa’amasani i potu aoga, auā o la’u taimi muamua lea i nei. E tiga lava ona ou tilotilo i nei mea e tutupu, oute lē taitai lava na ou tea iai. Pau lava le mea o le tatalo mo na tagata. Ae alu pea a’u ia su’esu’e le poto ma le atamai auā so’u lumana’i manuia. Fa’afetai. Vea

O lo'u fautuaga iai e pau lava o le mea ua tupu, ae aua le toe mafaufau ai fua iai ma le ootia fua o le loto latou. E leai se mea e mafai ona fai pau le mea faaauau atu pea oe mo le lumana'i. E tele i'a o le sami ma e tele fo'i laau o le vao, o le mea lea e tele fo'i teine ma a latou uiga. Aua le toe popole fua oe iai ae mafaufau i lou lumana'i e te manuia ai, aua e le sau lou teine lea ua maliu e saili sou manuia. Faagalo mea ua tutupu ae toe afua se isi taeao fou i lou olaga.Tofa soifua. Salevu

 

 

O lo'u fautuaga mo le tala sa faapea ona faamatalaina, mo le tama la lea ou te fautua iai e tele i'a o le sami. E le uma ai fo'i le lalolagi, e ui lava o sau uo peleina ae taumafai e faagalo le tiga o le mea sa tupu. Aua ne'i e toe fulitua ae taga'i i luma mo sou lumana'i manuia. Taumafai la ia e faafiafia lou mafaufau ma su'e se isi mea fou. Aua o la'u lupe sa lele i le vao ua le toe maua mai. Tofa la ia la'u lupe ia manuia. Shalom

 

E tele suiga i le olaga o tamaiti aoga. O se faataítaí, ua fai le Kolisi a American Samoa, e o mai ai teine ma tama e faiga uo. O se leaga poó se mea lelei. E tele lava tali o lea tulaga. I aso uma, pea ou sau i le aoga, oute vaai i tamaiti ulaula ma faiga uo o loó eva i le a pito o lea faleaoga. O le fesili, Ua iloa ea i matua lenei mea ua tutupu i latou fanau? Ae o loó faapea matua, o lana tama o loó tausue le atamai i le kolisi, ae lei iloa e matua o loó ulaula poó evaeva ma sana uo. Ua tele lava faalavelave ua tutupu i tupulaga i nei vaitau. O faalavelave o loó tutupu i teine, ua fai ma mea a atili ona vevesi ai aiga faapea matua. Talofa e, i nai matua, i le tiga ma le afu ona o le tausiga mo latou le fanau. Tuu pea tamaiti o loó sogasoga i mea lelei. E fai latou mea lelei, ina ia fiafia o an matua. O lea sisi auala ina ia suia ai olaga o tamaiti aoga? Faafetai  Sia

 

 

O le fautuaga mo'i tatou aua nei avea lou uo ma mea o le afaina ai lou ola. So'o se fai ga uo lava

e iai lava o laua vaivaiiga. E leai ma se faiga uo e le pisa e o'o uma ai lava tatou i lea tulaga. Ia au lava ia  o mea nei o uo e leai se aoga aua uma lava ia ua uma fai le tasi o pese a samoa e tele i'a ole sami. O isi fo'i  tagata fai loa le uo le kea i meaaoga ua le alu se ulu i mea aoga ae naunau ile teine po'o le tama foi. Ae na'o o si fatuaga lava aua le avea le uo ma mea ole e mafati'a ai pe fai se isi tulaga. Faifeau

 

O le fautuaga mo le tusitala, aua e te so ona mafaufau tele i ai i mea ua tuana’i. Ae tepa taula’i mo le lumana’i aua se ai mo lau susuga. O lo’o tele lava i’a o le sami e ui lava ina tele le suau’u masa’a ae o lo’o ola pea meaola na faia e le Ali’i. Ole pule i le ola o se agasala lea e le fa’amagaloina e le Atua. E tofu uma lava tatou ma puapuaga ma mafatiaga ae e tu’u atu i le Atua aua o ia o le fesoasoani sili. Ia manuia lau susuga ma la’asaga o totoe o lenei olaga Togilau 24 IUNI 2010

A fai ae motusia le mafutaga mafana a a’u ma lo’u uo talu ai ua vala’au e le tatou Tama Paia, oute loto tele ma onosa’i i le tiga e o’o mai ia te a’u. Po’o a lava faigata e o’o mai fo’i ia te a’u, oute tatalo I le Tama o I le lagi e foa’I mai le malosi I le tino fa’apea fo’i ma le mafaufau ina ‘ou mafia ai ona loto tele ma onosa’I I lenei taimi faigata.  Lani

O a'u e alofa tele i lo'u uo. E tele mea e ma te faia faatasi. E fai fa'atasi me feau, meaaoga e fesoasoani fo'i le isi i le isi. Sa maua masani a'o fai se tolegiga i le OMV. Na to'ulu malosi uaga i le aso lena, ma ua ou fai i ai pe mana'omia se fesoasoani, ae se'i momoli e a'u ia i le fale. Ia, na maua talatalanoa ai lea i mea eseese o loo tutupu . Ua manaia tele le ma talanoaga, ua fesuia'i ai le ma numera telefoni. Fa'asolo aso ma vaiaso, ua masani ma lou aiga, ma ua fai le ma masaniga ma auala ua tu'u ai lo'u ta'a vale, ae tu'u ai fo'i lona tago i pia ma fualaau fa'asaina. Ua alu masina, ma tausaga ma ua faateleina at lo'u alofa ia te ia. Ua le gata ona masani ma lo'u aiga a ua masani i feau ma mea fa'aleaiga. Ua manana'o ai le ma aiga e ma te nonofo fa'atasi.  

Ana fa'apea ua faimai lo'u uo peleina i lo'u fatu se tala faapea ua fia pule o ia i lona ola...ou te tagi ma lo'u loto atoa ma lo'u agaga atoa e faamolemole ia te ia ina ia tu ma mafaufau o ia i lana mea o le a fai. Iute tatalo i le Atua mo se fesoasoani, ma fa'atasi ma lo;'u uo i aso uma lava ina ia lagona ai e ia, e ui lava o lo'o iai le mea o lo'o mamafa i lona loto, o lo'o iai isi auala e fa'afaigofie ai lana mafatiaga. Ma ou fai i ai e tele tagata o lo'o alolofa ia te ia, ai maise o a'u nei. Porah