E momoli atu le faamalo i le tatou vasega -aemaise i latou o lo o faamalolosi mai i galuega fai. E le o toe mamao ona mae'a fo'i lea o lenei vaitau. Vaai galuega ua tatau ona ao mai e faamaoni i ai. A mae'a faafinauga i aso faatulaga atu ona imeli mai lea o ni ou manatu i le autu aua la tatou itulau lenei. Faamalulu atu i ni isi ua tuai le alu atu i luga o a tou galuega.

Fautuaga, manatu faaopoopo ma isi …SAM 111.2 & 4

O le fautuaga mo le tusitala, aua e te so ona mafaufau tele i ai i mea ua tuana’i. Ae tepa taula’i mo le lumana’i aua se ai mo lau susuga. O lo’o tele lava i’a o le sami e ui lava ina tele le suau’u masa’a ae o lo’o ola pea meaola na faia e le Ali’i. Ole pule i le ola o se agasala lea e le fa’amagaloina e le Atua. E tofu uma lava tatou ma puapuaga ma mafatiaga ae e tu’u atu i le Atua aua o ia o le fesoasoani sili. Ia manuia lau susuga ma la’asaga o totoe o lenei olaga  Togilau Puni 24 IUNI 2010

BINGO

Ou te auai i lau manatu aua e sa'o lelei oe. Aua o le ta'aloga lea o le Bingo ua fai ma mea e fa'aalu ai tupe a matua ma tafao ai, 'ae tia'i le fanau i le fale. 'O le ala fo'i lea ua fai ai ma mea fiafia a tamaiti, a o latou matua i le Bingo ona latou o lea e tata'a ma fai ai isi mea 'e le tatau ona fai. Ona fo'i mai loa lea o matua i le fale ma le le fiafia aua ua le maua se laki, ona atili ai lea le oso i luga le toto maualuga o le lo'omatua po'o le toea'ina, ona fa'apea loa lea le tala "a le tioa ona le maua se Bingo aua e tata'a lenei fanau". Ona soona tafasi lea o tamaiti 'ae le mafaufau pe sa'o o latou mea o fai. Mo se fauutuaga mo outou le fanau, ia outou nonofo mataala, aua e le toe faigofie le olaga i le lenei vai taimi. Ua malosi le fa'aosoosoga a le ti'apolo ia te i tatou le fanau, ae aua aua lava ne'i vaivai le tatalo i le atua e fesoasoani mai ia te 'oe le tama ma le teine i lou olaga taumafai. -Eucharas

BINGO Faatalofa atu le mamalu o le vasega male susuga le faiaoga,O lou igoa o Lie kaio Esera,o lou manatu i le bingo ole isi lea taloga e fiafia le atunuu e fai,ae tele fo'i le vaega tupe a le aiga e toese i lea

taaloga .o i lea e tutupu mai ai femisa ai ma tutupu mai ai le feeseese ai o aiga, ma talanoa

fua le tasi le tasi na tutupu ai lea o nisi tulaga...ae o le talitonuga a le matou ekalesia le Assembly of god

e sa na matou taalo le tupe..aua o le upu o le tusi a matou faia lou finagalo na tatala ai lea o pupuni o le

lagi ae sasa'a manuia i au fanau...ose talatalanoa atu na e uiga i lea mataupu...Faafetai.. 

 

O LE UO

 O le fautuaga mo'i tatou aua nei avea lou uo ma mea o le afaina ai lou ola. So'o se fai ga uo lava

e iai lava o laua vaivaiiga. E leai ma se faiga uo e le pisa e o'o uma ai lava tatou i lea tulaga. Ia au lava ia

o mea nei o uo e leai se aoga aua uma lava ia ua uma fai le tasi o pese a samoa e tele i'a ole sami. O isi fo'i  tagata fai loa le uo le kea i meaaoga ua le alu se ulu i mea aoga ae naunau ile teine po'o le tama foi. Ae na'o o si fatuaga lava aua le avea le uo ma mea ole e mafati'a ai pe fai se isi tulaga. Faifeau Oloapu

O LE BINGO 

O le bingo ose ta'aloga e fiafia ai tagata. O le bingo e maimau ai tupe toe le lava ai le fa'asoa. E toatele tagata e fiafia i lea ta'aloga ae ia au lava ia e maimau ai le taimi. O se ta'aloga e fa'aaluvale ai

tupe ae ua le tauaia ai fanau aemaise mea fai a le aiga. O lea fo'i ta'aloga ua fai ma nofoaga e tafafao ai tupulaga i po ae le o e fai meaaoga. O le bingo foi e sao ai ma le sola ale isi e va'ai lana uo. Ia a'u lava ia

e tatau ona tu'u ia nei mea o bingo e leai se aoga moi tatou aemaise ai le lumana'i o lo'o tatou tau sini o ai.

 

 

 

Tusia e Sia

 E tele suiga i le olaga o tamaiti aoga. O se faataítaí, ua fai le Kolisi a American Samoa, e o mai ai teine ma tama e faiga uo. O se leaga poó se mea lelei. E tele lava tali o lea tulaga. I aso uma, pea ou sau i le aoga, oute vaai i tamaiti ulaula ma faiga uo o loó eva i le a pito o lea faleaoga. O le fesili, Ua iloa ea i matua lenei mea ua tutupu i latou fanau? Ae o loó faapea matua, o lana tama o loó tausue le atamai i le kolisi, ae lei iloa e matua o loó ulaula poó evaeva ma sana uo. Ua tele lava faalavelave ua tutupu i tupulaga i nei vaitau. O faalavelave o loó tutupu i teine, ua fai ma mea a atili ona vevesi ai aiga faapea matua. Talofa e, i nai matua, i le tiga ma le afu ona o le tausiga mo latou le fanau. Tuu pea tamaiti o loó sogasoga i mea lelei. E fai latou mea lelei, ina ia fiafia o an matua. O lea sisi auala ina ia suia ai olaga o tamaiti aoga?

 

Tusia e Pepe

O le bingo ose ta'aloga ua fiafia ai tele tagata matuatua ae faapea ai foi  tupulaga i nei ona po. O le bingo ose ta'aloga e maimau ai tupe. Ae se'i  fai atu sina'i o'u tala e fa'atatau i lo'u tina. O lea tina e fiafia lava o ia  e ta'alo bingo. Sa iai se tasi o aso sa ou fesiligia ai lo'u tina pe aisea  e fiafia ai e ta'aloga i lea ta'aloga ae fai mai lana tali ia te a'u, o le mafuaaga  e fiafia ai o e bingo e fai lea ma to'omaga ai pe a tele le stress mai i ana  galuega pe iai foi se mea ua mamafa i lona mafauafau. Ae Sa ou tali atu i  lo'u tina e le'o le tali na o la'u fa'afitauli. E na'o le maimau ai o tupe, tusa lava  pe toe maua mai se isi fa'asiliga. O le bingo fo'i ua fai lea ma nofoaga e tafafao  tamaitiiti aoga i le po ae ua le o e fai ni meaaoga. Leai se aoga ole bingo ia te a'u  ma e sa ou ola mai i totonu o se talalelei e fa'asa ai ona e ta'aalo ini ta'aloga faitupe e iai le bingo ma isi lava ta'aloga ae filifiliga ole tagata e le fosia.

 

Tusia e Sia

E tele lava suiga o le tatou malo. Anafi, na ou matamata i le Faavae a le tatou malo. O lou fesili pea ole sau manatu e faatatau lea i Senitoa e piki mai i le nuu. E tatau ea ona tatou palota mo Senitoa pe fai mea lea tulaga ia piki mai i le nuu le latou sui e avea ma latou sui?

E tele lava tali o lea fesili, ae oute manatu ifo i lou loto, e tatau ona tatau ona tatou palota i Senitoa, ia maua mai ai se suiga i le malo. O lea sau manatu, le susuga le faiaoga?

 

Tusia e Shalom

O lo'u fautuaga mo le tala sa faapea ona faamatalaina, mo le tama la lea ou te fautua iai e tele i'a o le sami. E le uma ai fo'i le lalolagi, e ui lava o sau uo peleina ae taumafai e faagalo le tiga o le mea sa tupu. Aua ne'i e toe fulitua ae taga'i i luma mo sou lumana'i manuia. Taumafai la ia e faafiafia lou mafaufau ma su'e se isi mea fou. Aua o la'u lupe sa lele i le vao ua le toe maua mai. Tofa la ia la'u lupe ia manuia.

Tusia e Shalom

O le bingo o se taaloga e fa'aalu tupe ma e tele ona fiafia ai tagata. O a'u ou te au i le manatu i le tuafafine ia Elsie aua o le tele o taimi e taaalo le mafaufau ai isi tagata ae le iloa lae oi le latou aiga i le fia aai ma isi lava mea ta'ua. I totonu o le matou aiga e le taitai lava ona faaaoga sese o matou tupe, o le mea lea ou te faafetai ai i o'u matua mo le faasoasoaga lelei o tupe i mea aoga. E ui lava ina fiafia ai le to'atele ae o lo'o taaalo lava ma le oi. E sa'o lelei lava le tala a le tuafafine ia Elsie.

 

 

Tusia e Salevu