Ua vave lava le alu a le taimi ae foliga mai faato' a amata ananafi le vasega ae o lea o le a sauni atu mo le faaiuga.
Ua tuai le la'u i luga o a tou tusitusiga atonu o le mafuaaga foi lena ua faagalogalo ai ona lafo mai a tou parakarafa ia sa lau mai i le taimi o le vasega. E ese foi lagona na iai i le faasoa mai o sui o la tatou vasega i ni mea tuga ma le fita na oo i ai -semanu e olopaina ai lo outou ola talavou -ae viia lava le alofa o le Atua i le faasaoina mai o outou. faafetai ai foi i le loto toa e faasoa mai e oo lava i mafatiaga o faiga-uo. E faigofie lava ona tatou fautua i se tagata ua motusia le mafutaga ma sana uo - e tele i'a o le sami ae e manaomia foi e lena tagata se taimi e tau faagalogalo ma faamagalo ai le i'a o lo o faananau i ai lona loto -e ui ina tele ma anoano isi ae atonu e le tau ai lava le loto.

Toe faamanatu atu a tou parakarafa tusi saoloto e lafo mai e tuu i luga -
manuia le amataga o le vaiaso 4.