Repeka Aofialelai Iusi

SAM111-03

10-06-2011

Ms.Tamari Mulitalo Cheung

 

Pe tatau ona fa’aipoipo ituaiga tutusa?

 

I vaitaimi nei , ua tatou ola a’e I se olaga e tumu I le agasala, ma o se olaga e sili ona faigata, ma e talitonu lo’u agaga  e leai lava ma se isi e lelei atoatoa, pe e leai lava fo’I seisi e atoatoa lona lelei ao tatou tuputupu a’e I lenei olaga. I totonu i o tatou aiga e faigata lava I so’o se tagata ona faalia le alofa pe a le mafai foi e le isi ona uso a tagata on toe faaali atu ai fo’I le alofa, ma ua to’atele ai tagata po o tupulaga talavou ona o’o ai I se olaga o le faia o faigauo ma le isi tagata o lona lava itupa po o le isi fo’i itupa, ma o’o atu ai lava I le faia o le faaipipoga, po o ua tauto foi e avea laua ma tino e tasi I luma o le silafaga o le Atua. I aso nei ua faigata lava I tupulaga talavou ona saili sana pa’aga po o se isi e nate faauo atu ai, aemaise ai o le sailia lea o se isi e faaali atu ai ona alofa, ona le manuia lea o ana taumafaiga e ala lea I le sailia o se isi e nate faauo atu ai ona toe faauo atu lea i le tagata o lana ia lava itupa. I lenei vaipanoa ua tatou ola ma tatou tuputupu a’e ai , ua molimauina le tele o tupulaga talavou ua toe faauo atu lava I le tagata o  lana ia lava itupa, ona ua le mafai ona ia sailia se isi tagata mai se isi itupa e nate faauo atu ai.Ia te a’u lava ma lou talitonuga, e le talafeagai lenei mataupu  o le faaipoipo lea o ituaiga e lua, e pei o se faataitaiga o le isi teine ua toe faaipoipo atu lava I le isi teine, po o le isi foi tama ua toe faaipoipo atu lava foi I le isi tama. Ona foi o le mafuaaga tonu lava lea na faia ai e le Atua Eva ma Atamu ina ia fanafanau ma ia uluola ma ia tumu ai le lalolagi, na faia e le Atua le tamaloa ma le fafine ae le’o le tamaloa ma le tamaloa po o le fafine foi ma le fafine.

Ia te a’u lava ia ma ou lagona e tatau lava ona faasala ia ituaiga tagata o loo faaipoipo atu lava I lona lava ia itupa, e tusa lava pe o le mafuaaga lava lea e faamalieina ai lona finagalo ae le tatau lava ona le faaipoipo ni ituaiga tutsa, e tusa lava fo’i  po o le tagata lava lea ua ana ia alofa atu iai, ae le tatau lava pea ona faaipoipo atu lava I lona ia lava ituaiga.